Dda Lmulud isemma-yas: »Tabrat i muḥend azwaw γef tmusni »,izen-a yeččuren d lemεani,nezga nettaf-t deg les calendriers,neγ di les portraits ladγa i d-ssiẓrigent tdukliwin tidelsanin.Izen-a i yesεan azal ameqran,d tazwert i iga i udlis-is :Isefra n leqbayel iqburen(poèmes kabyles anciens).Asmi i d-yeffeγ yettwanecded ar tesdawit n Tizi Ouzou akken ad yeg asarag γef usentel-a:isefra n leqbayel iqburen.Aya akk yeḍra-d ass n 10 di meγres 1980.Asarag yettwargel,abrid n umennuγ yenğer….Akka i d-bdant tedyanin n tefsut n tmanyin neγ n 20 yebrir. Mi ara nγer,di tebrat n Dda Lmulud,aṭas n tiktiwin ara d negzu:Azal n tsekla timawit, tusna ur tettbeddil ara ilmend n lewqat, awessi γef umihi n nger,awessi γef ujmaε n tmenna n yimγaren qbel ma mmuten,,,S umata Dda Lmulud, inğer yiwen ubrid d usnan i tmaziγt.Maca seg yimir-n γer da:Wis ma yella lğil n wass-a yegza izen n Dda Lmulud?Neγ xersum γrant?Mačči d yiwen ad t-nesteqsi…Neεreḍ ad nessenṭeq inelmaden isdawanen i yeγγaren di taγult n tmaziγt, imi d wi i teεna s waṭas temsalt. Takfarines.B:(d anelmad n lmajistir): « Tabrat i Muḥend azwaw γef tmusni,d izen i wallaγen yemmuten γas ulama ddren.Acku win umi yeğhed wallaγ-is,fiḥel ma yeγra-tt imi yeẓra d acu i yellan,ma d win umi yemmut,ilaq-as ad tt-iγer akken ad t-id-tesseḥyu. »M.Adjad(aseggas w4) « Γef akken fehme&gamma,;mačči kan i Muḥend azwaw umi tt-yura maca yura-tt i yimaziγen akk.Deg-s isbeggen-d azal n yidles akked tmusni ».Kahina: « Cfiγ neγra-tt deg umudil n TIRA,thedder-d γef tmusni s umata ».Hakima: « Waqila mlaleγ yid-s,γriγ-tt,εelmeγ kan belli thedder-d γef tmusni ».Salah: « Di leεmer sliγ yes-s! »Linda: « Γriγ cwiyya deg-s maca ur cfiγ ara fell-as ».*Mustapha: « Ur tt-γriγ ara,ahat ur yi-tettunefk ara tegnit γas akken d lεib ad iniγ aya imi neck ttheyyiγ turegt(licence) n tmaziγt.Akka qeddceγ di tsertit armi ttuγ ula d tamaziγt!Maca rien ne m’empèche ad tt-γreγ seg mesya γer sdat »..Kamel Bouamara(aselmad n tsekla,amyaru): « Seg yimiren(seg wasmi d-teffeγ tebrat-a)γer da,tamaziγt tedda asurif meqqren.Tura ilaq-aγ kan ad nxemmem γef wacu ara naru,akken ur nettγima ara kan di tmedyazt-nni. » Karim Oulebcir(aselmad n tsekla taγerfant): »Anamek n tebrat-a,dakken Da Lmulud yenna-d belli idles-nneγ yella d imawi seg waṭas aya,ma ur tnerri ara γer tira leqrar-is d nger d tatut.Lmeεna-ya ijmel-itt-id umedyaz deg wawal-is: Akit a widak yeṭṭsen Idles-nneγ la irekku! »
Yesteqsa-ten Mokrane Chikhi