Tidukla n yiselmaden n Tmaziɣt n Tizi-Uzzu, s lemɛawna n Tenmehla n Yidles n Tizi-Uzzu akked umussu adelsan amaziɣ,; tessudes ass n 22 seg yibrir 2009 yiwet n temsizzelt n tzabut iwumi semman «Tazabut n Tefsut n Yimaziɣen». Timsizzelt-agi d armud yellan deg ddurt tadelsant yettuheyyan ilmend n usmekti n umulli w-29 n Tefsut n Yimaziɣen (1980-2009) i tessewjed Tanmehla n Yidles n Tizi-Uzzu. Igemmaḍ n temsizzelt-agi ttunefken ass n 23 seg yibrir 2009 deg tmeɣra n taggara n ddurt tadelsant yettuxedmen deg tzeqqa tameqqrant n Uxxam n Yidles n Tizi-Uzzu. Seg 55 n yinelmaden yettekkan deg temsizzelt-agi ufraren-d 5 iwumi fkan i yal yiwen deg-sen tadlist (carnet) CNEP s lqima n 10 000 DA d yidlisen yemgaraden.
Ḥ.A.M