Terra Tizi Wezzu lwelha-s ɣer uhic n umerreh
Lwilaya n Tizi Wezzu am nettat am lwilayat-nniḍen n tmurt tettheggi iman-is i yimuras n unebdu-ya. Ayagi s wahil i yeɛnan tiftisin akked yidurar. Lwilaya n Tizi Wezu d yiwet n tmerkantit deg uḥric-a : tesɛa lqidar n 85 km n ssaḥel akked yidurar ɛlayen n Ǧarǧer. S waya ahil n 2009 iswi-nes d anegmu d usnerni n ugerruj-agi n ugama.
Ahil-a yeɛna tezdeg deg yisensuyen akked yimeḍqan n umerreḥ s umata. Tanemhalt n uḥric-a tessewjed isenfaren ara yettwaxdmen. Ahil n unegmu n uḥric n umerreḥ yuɣal-d taggara-ya ɣer lwelha mbeɛd liḥala n lamen i d-yuɣalen ɣer temurt.
Si tama-nniḍen, tanemhalt n umerreḥ teddem rray ad terr lwilaya n Tizi Wezzu d yiwen umkan ara ttqasaden iḥewwasen izzayriyen akked iberraniyen. Ilmend n waya, theyya-d ahil i n wussan n umerreḥ,; ass n umerreḥ azzayri d win n tmura taɛrabin.
Aheqqi n teftisin i wussen n imuras
Isenfar n uheggi n sebɛa n teftisin i yellan deg lwilaya n Tizi Wezu : adrim ilaqen ilmend n uɛiwed-nsent, aya s uheggi n risṭurat d yimekwan n uḥbas n tkeryas. Lecɣal n uheggi n teftisin anda ara d-swejden imukan i ssrabes n laman, asekcem n waman n tissit, ttawilat n usuffeɣ n wamen ur nzedig ara, d tafat n yibardan. Aheggi n teftisin bdan yakkan sɣur tikbaniyin n lebni deg 3 n yimeḍqan : Tigzirt, 14 n imekwan deg Uzeffun, akked 6 n yimekwan di Ait Cafa.
I usmekti, lwilaya n tizi Wezu d tin i ikesben 45 n isensuyen i yesɛan lqidar n 2 185 d imḍerḥen, 4 n yisensuyen s 3 yitran, 3 n yisensuyen s 2 yitren d yiwen n usensu s yiwen n yitri, akked 12 nniḍen ur nesɛi ara itran. S waya i ilaq ad d-nini aḥric n umerreḥ,; ulamma tuɣal-d lweha ɣur-s taggara-ya seg unegmu i yezmer ad d-yawi i tmurt, d waṭas n yimekwan n uxeddim ara d-yesnulfu, yettmagar aṭas n wuguren, ladɣa deg yisensuyen i twaculin i ikerrrun ixxamen ilmend n yimuras s lqidar n 4 n yimelyunen i waggur, aya melba amesruf n yal ass deg temdinin-agi ideg tamɛicic ɣlay s waṭas.
Dalila I