Imezdaɣ n 6 tudrin n tɣiwant n At-Imɛuc ɣelqen tiwwura n tɣiwant, iwakken ad begnen lɣiḍ-nsen ɣef yimḍebren. Sebba n waya d lexsara i iḥuzan timeɣrusin d tzemmrin n yimezdaɣ deg tmes-nni n yilindi iserɣen azegzaw d uquran, deg uḥaruq n unebdu. Ayen i d-yeglan s tmerɣiwt n wacḥal n yigran d tmizar.
Iɛedda useggas kra deg-sen tḥuza-t lemɛawna i d-tefka ddula, ma d wiyâd ur ten—id-iṣuḥ uma d kra. Ayagi yeǧǧa wid teɛna temsalt ad d-begnen lɣiḍ-nsen ɣef lbaṭel yeḍran, s uɣlaq n tewwura n tɣiwant. Mbaɛd yiwen n wass, aselway n tɣiwant n At-Imɛuc yessuter i wakken ad yemyager d kra n yimezdaɣ i wakken ad d-jaben tifrat i wugur-nsen.
D.C