At Rgad 11duǧember 1955. D tameddit n wass. Adfel isu-d tiwwura. A baba-inu ba, d acu-t usemmiḍ-nni !
Ur teɛriq ara taddart i yiminigen n maggu 2009. Kkes axxam n lamiri, ljameɛ,; les paraboles, d cwiṭ n uguddrun, ulac d acu i ibeddlen di taddart.
Ur d-ffiɣen ara yiminigen n la planète At Rgad si tmacint n zman, alarmi rrwan
taddart s tmuɣli. Tɛedda dqiqa n uzaylal, ineṭṭeq-d Colonel Dezdeg :“ahaw tura ad neffeɣ!”. Taɣect-is tergagi, taksumt-is
teccittew. Yezwar yeffeɣ-d. Awal ur d-yuli ara Sadiya n l’euro. Ula d nettat tekrazi-tt une charge émotionnelle. kifkif ula d Kaci l’angoisse. Netta daɣen yeggugem.
Amcic ulac-it berra. Ɣas d adfel-nni
yekkaten s iɣes, ur ḥusen ara yiminigen s
usemmiḍ. Amecwar akka walan kra n
yemdanen bedden tama n tejmaɛt. Kukran ad qerben. Qqimen akken amecwar, dɣa tenṭeq-d Sadiya n l’euro : “ɛni dagi ara neqqim !”. Lḥan. Wwḍen ɣer tejmaɛt. Ziɣ imdanen-nni d-walan si lbaɛd d lɛesker n fransa.
Iserdasen n Fransa zzin i timest, sseḥmuyen. Mi tenteɛqel d lɛesker n Fransa, tserreḥ Sadiya i :
– Inɛal jedd n tṭasila u ṭṭsila u ṭṭasila-nwen ! – Tuɣmest a Sadiya ! susem, tura ad aɣ-d-walin, i as-d-yenna Kaci.
Yehwa-as kan i Kaci yugad: ulac win ara ten-iwalin. Ur ttɛeṭṭilen ara ad faqen i waya. Iminigen n At Rgad 2009 sont invisibles à leur hôtes. Bedden cwiṭ di tejmaɛt, wwten ɛeddan. Terra Sadiya s axxam-nnsen. allen-is ččurent-d d imeṭṭawen mi twala yemma-s Mmelxir tettuḍu di tmest akken ad taɣ. Amecwar akka, yejba-d baba-s s yesɣaren yesser-iten tama n lkanun. “s leḥder isɣaren a tamaɣart! Ur d-mazal ara aṭas”, d-yessegra i yemma-s n Sadiya, uqebel ad iruḥ ad yeqqen aɣyul.Teḍfer Sadiya baba-s s tmuɣli almi yeffeɣ si lḥara. Tuɣal tesqummec sdat n yemma-s. Mazal ttazalen
imeṭṭawen ɣef leḥnak-is. “Acḥal i kem jmeɣ a yemma taɛzizt !”, d-tenna Sadiya mbla ma tfaq d yiman-is. Terfed Mmelxir aqerru-s ad twali wakka d-ineṭqen: ulac. “a taxessart-iw, ɛni dderewceɣ!”, d-tenna yemma-s n Sadiya, imi ur twala ḥed.
Pendant ce temps, colonel Dezdeg tuɣ-it di lḥara-nsen. Ula d netta yaf-n yemma-s
tettuḍu di tmest akken ad yeww weɣrum n ubelluḍ ara ssisnen s zit. Ula d netta ččurent-d wallen-is d imeṭṭawen. isaḥ yezri-s imi i yeɛqel Tasaɛdit, yelli-s n ɛemmi-s ara yuɣalen d tameṭṭut-is deg useggas n 1958.
Ad taweḍ Tsaɛdit leɛfu rebbi di tuber 88: tḥuza-tt une balle perdue s abalkun.
Ulac win n-yufa Kaci l’angoisse deg wexxam-nsen : mazal ur d-tedda ara yemma-s imir-nni.
T.Ould amar