Tagara n ddurt-agi yezrin,deg-ass n lexmis sin imedyazen s wazal nsen rzend d-inebgawen lharma ɣer buzgan ilmend ntemlilit n tmedyazt id-ssudes twinast tadelsant igelfan deg wexxam n yedles Colonel Mohand Oulhadj, wigi d Ben Mohamed akk d Youcef Merahi
S teɣzi n 2 tsaεtin d wezgen, Ben mohamed d youcef Merahi ldin-d ulawen-nsen i yemdanen i d-yusan s waṭas ɣer temlilit agi.
Tamedyazt n Ben Mohamed d tamarkantit di yal aḥric,di tmeslayt d yedles amaziɣ. Neẓra di teɣzi n yiseggasen yezrin, tasekla n tmaziɣt tebana ɣef timawit yellan d lsas i d-tettak tsuta i tayed, ass-a ahat ma nudder-d tamedyazt nteqbaylit ad nadder Ben Mohamed yellan d tigejdit iɣef tbedd. Ben mohamed yewwi-d deqs isefra ger-asen,Yugurten. ., Mi nemlal anebdu. ., Yi-wass adyentaq wezru. ., Tennam-iyi. ., Walaγ aγyul inahren bab-is. ., Teskidibem. ., Ayennat. ., Adruhaγ adbedlaγ tamurt. .,Muqlet inkkar aẓar-is. ., Timlilit. ., Tecnam uk f-zzin-iw…. . atg. Lebni inumak isefra agi lqayen atas, sduqqusen,ssakayen amseflid,yeẓmi ayen izedγen allaγ-is di tmedyazt,yes-sen yessebgan tuddert-is i wid i s-d-yezzin. Tikwal amedyaz agi (Ben Mohamed) nettaf-it iẓer timsal ara yeḍrun γer zdat, seg wakken yessefti liḥalat n tmetti ideg yettidir,yezra ayen yelhan d wayen n dir, yesseftay timuγliwin γer tifin n tifrat deg usefru dγa nettaf-it d lsas n tirga.
Si tama niden ula d amedyaz Youcef Merahi, yewid tamedyazt-is zeddigen stutlayt tafransist ger-asen tajmilt i Nabila Djahnin d Mulud Farεun,Layla d asefru n tayri,poete amedyaz,Alger d tirga n temzi, syen yewid asefru s teqbaylit i tura !
I tagara ntemlilit Cherif Messoudan ibud timlilit agi n tmedyazt i wemdakkel Salem Hammoum yellan d imcegaε n weɣmis Le Soir d’Algerie yellan yuḍen lawan agi, u nessaram –as cfa sl3ejla. Syen Ben Mohamed d Youcef Merahi snemren aṭas s tirza nsen γer buzgan u sarmen ad-duγalen tikelt niden,syen Youcef Merahi ixdem azenzu s-ubudu n yedlisen ines.
islam Bessaci