Ass-a d amenzu di yunyu, awal ad yaɣ akk tamurt : d tameɣra tagreɣlant n yimecṭaḥ,; … d imecṭaḥ i d tafat, i d tudert, … fell-asen adrar ad yuɣal d luḍa ! Ma d nekni ass-a, ad d-nesmekti imecṭaḥ-nni i yettalin adrar i yiman-nsen melba ma llan wid ara sen-yeṭṭfen afus neɣ ara sen-yuɣalen s lmendad… Wigi d arrac n Uxxam n Ttrebga i d-yezgan di Tizi Wezzu (di Buxalfa). Axxam-agi ijmeε-d azal n 100 warrac i yettidiren deg yir liḥala. Kra deg yiberdan, kra d ccreε i ten-yerran ɣer din, kra bran imawlan-nsen neɣ ur ten-sεin ara maḍi… Yal yiwen tadyant i t-id-yewwin maca akken yebɣu yili ; tidyanin-nsen sbegginent-d tudert n warrac di tmurt-nneɣ. Mazal temẓi d awal kan, d asmekti kan di lεid ɣer lεid wamma izerfan-nsen ulac win ara ten-id-ibedren.
Dj. Ahitaghel