Ay xeddment cciḥnant gar tudrin i d-yetteffɣen deg truẓi n leḥwal n lbayllik. Yeɛni, ɣer taggara, timllit tekfa s umɛadel yiwen ur yerbiḥ,; yiwen ur yexsir, ma d imezdaɣ xesren.
D. I. / M. A. I.
Tadyant teḍra deg tmenyugert (aṭurenwa) n ddabex-uḍar gar tudrin n temnaḍt Imessisen. Taddart i d-iheyyan lecɣal-a d taddart Amaggaẓ. Tessuli-d timenyugert-a akken ad terr tajmilt i Zelbuj Sɛid i d-yefkan aṭas i taddart-is. Ar tura, ulac kra yemxallafen ɣef leqdicat mucaɛen deg tudrin-nneɣ. Meɛna, ayen ur nerji ad d-ilal sɣur tudrin imi d timliliyin n ddabex-uḍar kan, ilul-d ! Ffɣent-d cciḥnat ay sɛant tudrin gar-asent. Dɣa, almi d-yenna yiwen : “ur nwiɣ timlilit n ddabex ad teǧǧ taruẓi akka.” Yerra-yas-d wayeḍ : “Wa mačči d timlilit i d sebba-s, d cciḥna yezgan gar tudrin.” Salem B. i d-yusan, meskin, seg Bgayet ad iferreǧ yenna : “Ulac amḍiq deg tmurt anda ur llin lmacakil gar yimezdaɣ,; meɛna ilaq ad nesker lferq gar temlilit ilaqen ad tekfu s lferḥ d teɛdawit.” Wali kan ! Deg temlilit n taggara i d-ijemɛen Zunina d Amaggaz, yuli uɣebbar. 4 ddqayeq, qbel n taggara n temlilit, yiwen yimferreǧ n terbaɛt Zunina, yekcem-d ɣer zdaxel ubraḥ. Timlilit teḥbes. Lecɣal nbeddalen. Timliliyin i d-bnan ɣef lferḥ d waddal, uɣalent i truẓi d ucettem. Aṭas d imejraḥ,; axxam n yidles yeddrem, ur d-yeqqim lbirru iseḥḥa deg tzeqqa n tɣiwant, tafat n ubrid akk teɣli. Ma d awal yeffeɣ-d : “la mairie nefka-awen-tt, aṭurenwa newwi-awen-t.”