Yusef Uqasi, amedyaz Nat Jennad

Partager

Tasekla (la littérature) n leqbayel d tin yellan d timawit (orale), ayen yeǧǧan aṭas n isefra, inzan (proverbe), timucuha, tiqennuẓen, d wudmawen nniḍen n tsekla, ad ten-tɣebbi tatut (tittin). Akka tura, gran-d kan kra n lexyuḍ ɣ-icudden ɣer wat zzik. Tugett n wayen d-enna-n imedyazen ur ɣ-d-ibbiḍ ara. Ula d ayen d eṣṣawḍen-t cfayat n yemɣaṛen d temɣaṛin, ur tḥeqqen ara deg-s imusnawen d imnadiyen yettnadin ɣef wayen sefran, d wayen nnan imedyazen d imusnawen nat zzik. D ugur agi i d-mugren imnuda d yemyura i yessawḍen ad d-sufɣen idlisen ɣef yergazen d tlawin igren imɣi deg urqub n tsekla taqbaylit yellan d asuki. Leqdic-nsen mači d win isehlen, imi ilaq-asen ad eḥninfen tama n wid umu teččuṛ teylewt-nsen n cfayat, imir ad uɣalen ad ɛawden tamuɣli ɣef wayen d-ufan akken ur yettili ara leɣlaḍ. Gar imedyazen yessefra-n, yettwasnen s leqdic-nsen deg tsekla sumata, lak deg wahilen nniḍen yemxalafen, icudden ɣer tudert deg tmetti (la société), ad d-nebder Yusef Uqasi, ittekkin ɣer  lɛeṛc Nat Jennad. Imru, uqbel Said Boulifa, Mouloud Mammeri, d imusnawen nniḍen inudan ɣef tudert n lejdudud-nsen, ur ijerrred ara acemma ɣef tmeddurt lak d tmedyazt n umedyaz-agi ur nettwassen. Ula tura, win urn-nuda ara deg yedlisen, ur yettissin acemma ɣef Yusef Uqasi, umu d-ttadren kan yemdanen isem lak d kra n yefyar n tmedyazt-is. Yusef Uqasi ilul deg lewhi n useggas n 1680 deg taddart Nat Garet, deg tɣiwant ( la commune) n Tmizar, d-yezga-n di Wagennun, lwilaya n Tizi Wezzu. Am Si Muḥend U M’ ḥend lak d Cix Muḥend Ulḥusin, Yusef Uqasi, ula d netta ur t-qal ara dunnit is-iṣerwan amenṭer deg taddert ɣer tayeḍ, deg tmurt ɣer tayeḍ nniḍen. Zyada ɣef tmedyazt-nni s wayes yettwassen, yusef yella-n d aḥeddad n wawal, garen-as-d yemdanen, lak d tuddar yecrek laɛdu d umennuɣ akken ad yefru timsal w’ad d-isers talwit d lehna. D netta i yefran uguren yella-n d sebba n umennuɣ ger lɛeṛc-is lak d win Nat Yanni. Tamedyazt-is d lemri anda yezmer wemdan ad yefṛez tudert nat zzik, laɛwayed lakd wansayen-nsen (les coutumes). Yusef Uqasi, yella-n iferru timsal s wawal, yennuɣ ɣer tama n watmaten-is di ṭṛad (la guerre) mgal amnekcem aṭeṛki.            

           

Zenia T.

Partager