Lqanun deg wacḥal-aya yesmeḥ i wid i d-yettawin tikerrusin seg Fransa, ad tent-ǧǧen da di tmurt, mi d-εeddant i la douane. Aseggas-a, yella-d ujdid deg lekwaɣeḍ n tkerrusin di tmura n Europe. Am Fransa tura, tikerrusin i d-tessufuɣ ur sεint ara la carte grise. Mi d-tewweḍ ɣer la douane n tmurt, amdan yebɣa ad tt-id-yeǧǧ da, ilaq ad iwali amek ara yexdem akken ad isellek aqerruy-is. Zik, la douane, ad tefḥes takerrust, syin akkin ad k-d-terr lkarṭa n ṭunubil s uzeggaɣ,; ad k-d-tefk yiwen n lkaɣeḍ iwumi qqaren modèle 846 d lekwaɣeḍ-nniḍen, umbeεd ad teεnaḍ tanmehla n umɣiz d temguri (direction des mines et des industries) n twilayt, ad tegluḍ s tkerrust akked lekwaɣeḍ,; anda ara tt-tettwaseǧǧel deg tedbelt n tmurt n Lezzayer. Γef lecɣal amek ara frun, yerra-yaɣ-d Djamel Transit Gouraya : « leɣlaḍ yusa-d seg Fransa, ur d-nefriz lecɣal i tmura-nniḍen. Deg lkaɣeḍ i d-iteddun d tkerrust, win i d-yeddakalen ɣef lxilaf n la carte grise. Deg-s uran « Ce véhicule ne peut être immatriculé ». Meεna ur d-nnin ma deg tmurt n Fransa neɣ di tmura-nniḍen. I nutni sersen-d leqwanen i ten-isuεden, ma d nekni ttun-aɣ. Akka, tura aql-aɣ nettxellis nekni akked bab n tkerrust. » Ar tura, ccɣel yeḥbes gar la Douane d tenmehla n umɣiz d temguri. La Douane, ur tesεi lqanun ad k-d-tefk modèle 846. Ma d tanmehla tceyyeε 3 tebratin i uneɣlaf-nsen, atnan ttraǧun deg lwiǧab. Anda-tt tdukla n tmura tigrakalin, yettmenni Sarkozy ?
Mohand Ait Ighil