…Rien à faire, tegguma ad tenwiwel tmacint n zman si tama n tewwurt yessufuɣen ɣer Yiɣil n Wulac.
– Ur teksaneḍ ara a Sadiya : ilaq-am ad tesferfeceḍ !
– Ihuh a colonel !Smir-d ddemar-ik tura fell-i….
Ur tfuk ara Sadiya n l’euro awal, yeffeɣ-d zhir si la porte des étoiles.
– Attan waqila teldi-d tewwurt. Lukan ad nḍil ar daxel? D acu tenniḍ a colonel?, i d-yenna Kaci l’angoisse.
– Lḥasun, on n’a pas trop le choix. Ad nettkel kan ɣef Rebbi!, i as-d-yerra Dezdeg.
Ur yeɛǧib ara rray-agi Sadiya :
– Amek akka ara nekcem ɣer wulac ! Ɛni d tiselbi i tselbem !!
– Susem-aɣ a Sadiya deg laɛnaya-m! d’abord mačči d kem i d colonel :d nek!
Yezwar yekcem Dezdeg, iḍefer-it Kaci.
Tekukra Sadiya cwiṭ,; tuɣal terna deffir-sen..
Yaf-d iman-is le Sg1 n At Rgad di taddart !
– Atan nuɣal-d ɣer taddart. yehwa-yak kan a Colonel tekkufteḍ,; almi i qrib i teččiḍ abaskiḍ.
Ur d as-d-yerri ara Dezdeg. Ur d as-d-yesli ara ula d timesliwt. Isereɛ-it wayen i iwala: Lbacir Ifuk lakul, Yidir JSK, Lḥusin zumbriṭu, Muḥ dduktur d Lunis trabendu ttemḍafaren wa deffir wa akken i ten-id-ixleq Rebbi.
Fɣent-d taṭṭucin n Kaci l’angoisse. Tuli-tt tezweɣ Sadiya n l’euro. Yuqa wawal di tgerjujt n Colonel. D acu-t lqum-agi i iteddun ɛeryan !!!
qedmen iminigen ɣer taddart. Deg ubrid, mmlalen-d Murḍus, aqjun n Ṭamen, yelsa takaskiṭ d tkiluṭ. Tama n Murḍus ileḥḥu Bibic, tamcict n Sadiya l’euro justement. Bibic teqqen nwaḍer, telsa
iqaciren.
“Awah, d lmuḥal, d targit i ttarguɣ !”, yeshertum gar tuɣmas-is Colonel.
Wwḍen yiminigen tama n lamiri. Atan yeffeɣ-d lmir s tekrabaṭ d ukustim n sidna adam.
Yal wa seg iminigen n SG1 s anda yezzi aqerru-s.
Le comble, d imi wwḍen s agni n tili, abeṭeḥḍaḥ n lexlalat. Tin yelsan deg-sent, ur terna ara nnig n tmeḥremt n uḥelles.
Attan tbedd la copie n Sadiya l’euro di tlemmast n tlawin.: timaẓẓagin cerbḍent, taksumt tekmumec…
Ayen yessewhamen deg At Rgad, version nudistes, d iɣersiwen : ulac aɣersiw ur nelsi ara aceṭiḍ,; lukan d aqacir.
T.Ould amar