Ɣas akken alqaḍ n uzemmur di tmurt n leqbayel d win yebdan ɣur-s kra n wagguren, maca yewweḍ ɣer tagara-s deg deqes n tamiwin n tmurt. Ayagi i lemend n leɣella ineɣessen aseggas-agi. Ssebba n teswiɛt agi, amaken i as-nnan ifelaḥen « leɣella d isegassen »: ad yili useggas deg ara teqwu, deg wayeḍ ad tenɣes. Maca llan wuguren nniḍen, ladɣa times i iyuɣen tamurt deg unebdu yezrin, ladɣa deg Draɛ lemizan, At Yaḥia Mussa, Iɛakuren. Si tama nniḍen leɛmer n tezemmurt iɛeddan 100 isegassen isenɣas deg leɣla-s, i lmend n waya azal n 100 n isafsaren iserssen imawelan n tezelrin deg teɣiwanin n Draɛ Lmizan deg useggas n 2008 deg tenemhalt n tefelaḥt i waken ad yeli uɛiwed-nsent, maca ar assa ur d-li tiririt. Aɣebel-agi d win iḥuzan ula d Taɣiwant n Lemɛtqa d Buzeggan anida ur d-li ara tiririt ɣef usuter n ifelaḥen. Ad d-ner lwelha belli ɣas akken tella-d tuẓut n wazal n 33 000 n tezemrin deg lwilaya n Tizi Wezzu, mazal amecwar ɣezzif. Ɣef lɣella n uzemmur, imawlan n tesyar i d-neseqsa, nnan-d belli, yiwen uqentar i ttak-d gar 14 d 16 n litrat n zit. Ssuma n zit taqdimt, tewweḍ ɣer 500 idinaren. Wissen acḥal ara tesewu zZit tajḍiṭ,; aṭas i d-yeqqaren ad tesiweḍ 700 idinaren!
Dalila I.