Krad n yitran i yettfeǧǧiǧen deg yigenni ,ǧǧan-d ismawen nsen deg umezruy axaṭar mgaraden ɣef wiyaḍ s waṭas n tɣawsiwin . Nutni,ɣran,ssnen aṭas n tutlayin . Wiyaḍ, ur ssinen yiwet. Nutni, ssnen ad cnun, ad arun ungalen, idlisen,inzan,isefra,timucuha…
Wiyaḍ ,ulac d acu i d-yurew wallaɣ nsen anagar tismin d lebɣeḍ .
Nutni, d imasiḥiyen, xedmen ddin s tsusmi. Wiyaḍ ,d inselmen ,s aɛlayen ṣṣut nsen . Asmi i ḥulfan i yiman nsen d iɣriben di tmurt nsen, unagen ɣer tmura tiberraniyin.
Faḍma at Menṣur tlul deg at Dwala , di 1882. Tezweǧ d Belqasem Ɛemruc n Iɣil Aɛli ,di 1899. Di 1910,ruḥen ɣer Tunes. Zedɣen di temdint n Rades. Di 1946,Faḍma tura adlis s wezwel : «tadyant n tudert-iw» .
Maca ,ur d-yeffiɣ ara armi d 1968. Temmut di 1967 di Fransa ,di tudert-is 85 iseggasen. Argaz-is Belqasem yemmut deg Iɣil Aɛli ,di 1959.
Lmuhub illul di 1906. Yura ammud n isefra : «iɣden»di 1934. Yura diɣen «itri uffir»di 1937. Di 1939,yura «cnawi imaziɣen di temnaḍt n leqbayel». Di 1958 ,ixdem d aneɣmas di RTF,di Fransa. Di 1946,yura «yugurten i lebda» . Yemmut di 1962, di Fransa .
Ïṭawes tlul di 1913 , di Tunes . Di 1936,tebda tleqqeḍ cnawi it tɣenni yemma-s. Di 1941,tezweǧ d unaẓur Andre Burdil . Tesɛa-d yides Laurence. Di 1945 ,truḥ ɣer Fransa . D inna,texdem di RTF gar 1959 d 1963. Di 1947,tura ungal «imɣi aberkan» . Di 1960,tura «abrid iḍeballen». Di 1966, tura «aɛeqqa yesawalen» . Tewwi aḍebsi n wewraɣ di 1967. Di 1975, tura «amdakkel usugen» . Tjemɛed azal n 95 cnawi . Tecna ɣef umdan di dduḥ alama d aẓẓekka . Temmut di 1976 di Fransa.
Faḍma ,Lmuhub d Ïṭawes ɛetben aṭas akken ad smenɛen idles amaziɣ di tatut . Uklalen tajmilt Sgunfut di tawit d lehna !
Boussad Hemmar