Ddurt n lhirfat timensayin

Partager

Axxam n yidles n Tizi-Uzzu yeldi tiwwura ines seg 02 ar 06 seg yunyu 2009 i lḥirfat timensayin (traditionnelles). D tagnit yettunefken i wid iqeddcen deg uḥric-agi akken ad sbeyynen ayen xeddmen, s anda ssaramen ad awḍen.

Timsikent-agi tewwi-d ɣef yal aḥric yeɛnan lḥirfat-agi am uẓeṭṭa, lexyaḍa n tqendyar n leqbayel, talaɣt, lfeṭṭa, ula d seksu s yal ssenf yella.

Wid yekkin deg temsikent-agi d ilmeẓyen akken ma llan, usan-d s yisem n termisin neɣ tkebbaniyin i sbedden s lemɛawna n ddula.

Imḍebbren n temlilit-agi sɛan daɣen iswi-niḍen i ddurt-agi i heyyan. Bɣan ad sfehmen i yilmeẓyen amek ara xedmen akken ad izmiren ula d nutni ad snulfun tikubbaniyin timeẓyanin-nsen akken seg tama ad afen axeddim, seg tama-niḍen ad ḥarben ɣef tenḍi i yettuɣalen yal ass ɣer deffir. Ilmend n waya, tanmehla n “PME-Artisanat” tessewjed-d yakk arraten iwatan akken ad sfehmen i yilmeẓyen abrid ara aɣen.

H.A.M

Partager