Deg wass n 14 di yunyu, i d-yettili wawal d usmekti n wacḥal d amuḍin i yuḥwaǧen neɣ i yettrajun timiqwa n yidammen akken ad idirin. Di tmurt-nneɣ ala 5% i yettaken deg yidammen-nsen, rnu 60% ar 70% ticki tamsalt teεna tiwaculin-nsen neɣ imdukal-nsen. Ula di sbiṭer n Tizi-Uzzu kifkif, drus n wid i d-yettaken idammen-nsen s lebɣi-nsen ɣas ulamma aṭas n tdukliwin i yettaεraden ad d-sfehmen ugar azal i tesεa temsalt-a ; ama ɣef tezmert n umdan imi yal mi ara tefkeḍ idammen ad teẓreḍ ma ulac kra n waṭṭan i tesεiḍ (aya baṭṭel) ama ɣef yimuḍan-nni i wumi teqqen tudert-nsen ɣer yidammen n wiyaḍ. Awi yufan kra n win yesεan tazmert ur yettcuḥḥu ara s tiqit n yidammen ɣef gma-s, awi yufan ad yuɣal waya d ansay ara yaɣen iẓuran di tmetti-nneɣ.
Djamila Ahitaghel