Jjuj, yefka kra wussan i tmuɣli ɣef usefsar n l’OPGI, ssya ar assen, ad d-ibin amek i teḥkem.
D. I.
Qrib n sin n yiseggasen seg wasmi tebda tedyant-a n l’OPGI ur tefri. Tadyant-a, i usemkti, d tin d-yessuzlen awal ɣef wamek i tt-yesselḥa unemhal aqdim d wid-is deg ssrabes yemxalafen. Ddurt-a yezrin, bedden akk ɣer ccreɛ n Bgayet imi tekfa tsestant i gan yijadarmiyen. Jjuj, imi yesla i wayen akk d-nnan, yeddem rray ad yessers sous contrôle judiciaire anemhal aqdim, win n tura n l’OPGI d 4 n yiqerra n ssrabes deg tkebbanit-a, rnu ɣur-sen le chef de cabinet n Bgayet aqdim i yellan tura d aselway n Daira n Lakhdaria. Taluft tezzi ɣef ufraq kra n tmezduɣin i yinurar n JSMB akked wid n MOB ur nesɛi lḥeqq ad awin imi ur zdiɣen ara deg Bgayet. Meɛna mačči d aya kan, imi tasestant tesbeyyen-d ayen yellan yeffer am useqdec n ttawilat n ddula i nutni s timmad-nsen ; asɛeddi d tkebbaniyyin n lebni imarciyen ur nelli akken d-yeqqar lqanun ; daɣen kra n lbaṭimat ifukken deg lebni ur neḍfir leplanat, atg.