Taɣiwant n Iɛekkuren tesfayda-d s usenfar s wazal-is am tɣiwanin-nniḍen n tmurt n lezzayer. Asenfar-agi n 100 lemḥellat, yeffeɣ-d deg useggas 2005 sɣur takebbanit n la DLEP, yebḍa ɣef sin yiḥricen (sites). Aḥric amenzu llan deg-s 43 lmeḥellat, ɛlaḥsab n wayen i d-yenna uselway n tɣiwant leqdic n uḥric amenzu yelḥa 70% qrib ad ifak. Ma yella ayen yerzan aḥric wis sin mazal ur yebdi ara leqdic-is, imi llan-d kra n wuguren ; ssebba n waya d tamsalt n wakal. Acku bab n wakal-nni yugi, dɣa tettimɣur temsalt almi tewweḍ s axxam n ccreɛ. Mi wwḍen yimḍebbren n tɣiwant d bab n wakal-nni ɣer tifrat, yella-d wugur-nniḍen, imi takebbanit ara yestekelfen s lebni ur d-usin ara akken ad bdun leqdic-nsen. Γef waya i tbeddel la DLEP takebbanit-nniḍen iwmi qqaren ITRICOB. Asenfar-agi iɛeeṭṭel aṭas di tɣiwant n Iɛekkuren imi di tɣiwanin-nniḍen lmeḥallat-a ttwaferqent deg useggas 2008 am ; Ifiɣa, Zekri,… Asenfar-a d win ara d-ixellqen imukan n uxeddim i waṭas n yilmeẓyen, rnu ɣer-s asnerni n tdamsa n tɣiwant.
Oussaidane Lamia