Inelmaden n tesnawit n Ben Badis di M’chedallah fkan-d yiwet n temsirt ara yilin d amedya i yineggura. Lemden tutlayt-nsen tayemmat, fkan-as azal i tuklal, sɣersen-d igemmaḍ yessefraḥen deg ukayaḍ n le Bac. Mačči s sshala i ssawḍen s aya, imi widak-nni i tt-yettwalin tamaziɣt telha kan i ccḍeḥ,; bɣan ad ten-ḥermen inelmaden-agi seg-s deg ukayaḍ.
Imesḥaf, nwan ahat tikerkas ssexdamen ad ddunt tikli n waman, maca mmugren-d ayen iɣef ur dmin ara. Γas meẓẓiyit, aswir-nsen yufrar i tizi. Inelmaden-agi, beggsen, ggullen ur ḥniten, d akken iswi-nsen ar t-awḍen. Tabrat deffir tayeḍ,; rrabul yezzuɣur wayeḍ,; almi d-wwin ayen iɣef ttnadin. D Benbouzid s timmad-is i d-yennan deg yiwet n tirza i yexdem ɣer Tubiret d akken inelmaden-agi ad sɛeddin tamaziɣt deg ukayaḍ n lbak. Abrid i d-uɣen yilmeẓyen-a, mačči d win isehlen : Deg-s amennuɣ,; i ilaqen ad ddun fell-as ikabaren (ma yella kra i d-yegran dɣa), akked tdukliwin tidelsanin (wissen aniwa igenni ideg ttilint). Deg-s daɣ ayen iwumi neqqar « Le défi ». Nnuɣen fell-as, yerna cebḥen-tt di taggara. Akka i d leqbayel !
M. Smail