Ɛlaḥsab n ssrabes n lemḥadra, 37 n yimdanen i iyezzren deg lebḥer seg 1 deg yunyu ar ass-a. Deg-sen 23 deg teftisin i yettwamenɛen i lɛum imi ulac win yettɛasan din yerna d imukan i iweɛren nezzeh. Azal ameqqran n twuɣa-ya ḍrant deg 3 n twilayin : Lezzayer, Msetɣanem d Wehran.
Deg yisalli i d-yeffɣen sɣur ssrabes n lemḥadra, iban-d seg wasmi i yebda unebdu ar ass-a, tender tmes deg 103 n yimukan yemxallafen, tečča azal n 400 ihegtaren, tuget-nsen deg Tipaza, Ɛin Defla, Bgayet akked Sidi Bel Ɛebbas. Γas telleflef deg waṭas n yimukan meɛna ayen tečča drus imi aseggas-a, ɛlaḥsab n wayen i d-yenna wulɣu-ya, ssrabes n lemḥadra yessewjed ttawilat akk ilaqen.
D. I.