Tessudes-d tdukla i yisallen ɣef lkif d Sida ussan n useɛlem ɣef txazabitin-a i yuɣen amḍiq maeqqran deg yizzayriyen tugart lkif. Bdan yakan lecɣal seg wass-nni n 7 deg yulyu, ad kemmlen almi d ass n 17. Aḥesses ad yili deg yiftisen n Bgayet, imi tsewjed tdukla tirebbaɛ ara yerzun iftisen akk n Bgayet am Bulimat, Tici, Wed Dass, Tiɣremt, atg. Deg tirza ara xedment trebbaɛ-a i uḥader ɣef Sida akked lkif ɣer yiftisen n Bgayet, ad yili umeslay d yimejjayen d uwezzeɛ n yisebtar ɣef wamek ara iqabel umdan tixazabitin am ti. Rnu ɣer waya, ad ilin yisaragen deg temdint n Bgayet ɣef wamek ara yezmir win yuɣen lkif deg yiẓuran-is ad t-yeǧǧ.
D. I.