Imezdaɣ n tɣiwanin n Iflisen, Tigzirt, Mizrana akked Makuda bdan jemmɛen istenyiyen neɣ ayen iwumi neqqar la petition ɣef rray n uɣlaq n sbiṭar n Tigzirt. Rray-agi i teddem aɣlif n tezmert, tenna ttawilat n tujjya ad uɣalen ɣer sbiṭar n Tqubɛin deg tɣiwant n At Wagnun.
Aya, sḥasfen-t yimezdaɣ n temnaḍt n Tigzirt, nnan-d deg lweqt ideg aɣlif n tezmert tefka azal d ameqqran i uḥric-agi n tezmert deg tɣiwanin-nniḍen, tebɣa ad terr taɣiwant n Tigzirt ɣer deffir. Imezdaɣ ur zmiren ara ad truḥun ɣer tɣiwant n Azeffun i ibeɛden s 35 km neɣ Tizi Wezzu ɣef teɣzi n 40 km. Imezdaɣ suturen seg uɣlif n Tezmert ad terr aḍar ɣef rray-agi, am wakken suturen ad d-yili usijhed n uḥric-agi deg temdint i yettidrin ala seg tmerrit, ayen tt-yeǧǧan tuḥwaj sbiṭar-ines ama i yimzdaɣ ama i yiḥewwasen.
Dalila I.