Acḥal n lesnin-aya nettmerriḥ lexmis d ljemɛa. Acḥal n yiseggasen-aya i tessekref « salaṭ n ljumuɛa » tadamsa-nneɣ. D adabu, d wid iqeddcen deg uḥric n tdamsa, d isertayen… Aya medden akk ẓran-t.
Iseggasen-agi ineggura, yelḥa wawal ɣef tuɣalin ar « week-end universel ». Yeṭṭuqqet dɣa wawal ɣef waya di tallit-nni n umusu n larac. Imir, nenna-yas waqila d tidet ad nuɣal ɣer ssebt d lḥed-nni n zik. D awal kan ! Ulac lkuraj bac ad kksen « week-end islamique ».
Ih, ma kksen-t, ad nuɣal d ikafriyen, akken nella d ikafriyen deg yiseggasen-nni ideg nettmerriḥ ssebt d lḥed ! Anef-as i le PIB ur yettnerni ara s 1,2% de useggas (akken d-tenna la banque mondiale) ! Anef-as i tdamsa ad tekkuli : yif-itt Rebbi !
Atan ddurt-agi iɛeddan yufa-d udabu yiwen n rray ara yessalin cwiṭ di le PIB mebla ma nuɣal d ikafriyen. Si 14 di ɣuct d afella, ad nuɣal nettẓalla ass n ljemɛa, ad nettmerriḥ ass n ssebt. D la politique n « cwiṭ i terwiḥt, cwiṭ i telwihṭ ».
Yihwa-as kan ikukra udabu imẓulla. D nutni i as-yeqqaren mi ara yedden lɛica u yuɣ-iten lḥal tetten, neɣ qrib ad ččen, imensi : « lɛaca qeblu lɛica ». S teqbaylit : « yezwar wučči taẓalit »
T. O. A