Adrar n Ǧerǧer, am wakken i yella si zzman n zik, d win yettḥaraben ɣef warraw-is daɣ d abernus n nnif i yimezdaɣ n tmurt n Leqbayel. Ar tura mazal yettkemmil deg ubrid-is, imi tikelt-a iger irebbi i tdukla n tlawin azal n rebɛa n wussan. Tigi, usant-d di 500 yid-sent si 38 twilayin n tmurt n Lezzayer. Bɣant ad gent yiwet n temlilit amek ara aɣent amecwar ɣer zdat. Imi d adrar n nnif, yeldi-asent tiwwura s tehri, yedli-tent s lḥerma yekseb. Deg yiwen n useqsi yerzan afran n umkan-agi i tin yellan ɣef uqerruy n tdukla-agi, terra-d mebla axemmem : “Nusa-d ɣer da imi d tamnaḍt iwulfen tettḥarab ɣef tlelli, iseɣ d nnif.” Tagi d cchada n waṭas tlawin i d-nemmuger di tesdawit n unebdu. La preuve, akken i aɣ-d-tenna yiwet, “Muqlet kan wid isedduyen asensu-agi amek i ɣ-d-qublen ! D amedya n yak imezdaɣ n temnaḍt-agi.” S tidet, d ayen i s ara izux uqbayli, imi Tamurt, Tamegḥelt d Tmeṭṭut ur yezmir ad yefk deg-sent afus. Win yebɣan tuṣra, ad d-yerr tama n leqbayel. Xemsa deg wallen n cciṭan !
M. Smail