Azɣal i d-yeɣlin ussan-a ineggura ɣef temnaḍin n ugafa n tmurt yegla-d s waṭas n txessarin. Imi tiseddarin ulint almi d 46 tfesniwin, times tuɣ deg waṭas n yimukan. Deg tɣiwant n Leɛǧiba, imdanen kkuferran s uzɣal imi ajajiḥ n tmes yendeh di tama n unẓul yerna deg ugafa n temnaḍt-agi. Tawaɣit-agi tessegla-d s wurɣu n waṭas n yisekla, tuget deg-sen d tizemrin.
Tiwḍin s amkan n yiɣallen n usellek s lemɛawna n yimezdaɣ n tɣiwant-a terra talast i tmes iwakken ur tesnernay ara deg txessart yellan yakan meqret.
Imezdaɣ n temnaḍt-agi mmugren aɣamac yecban wa di taggara n yimalas s yiwen n lḥif d ameqqran imi d ussan ideg ketrent tmeɣriwin.
M. Smail