Terra tdukla “Cherif Kheddam” n taddart Boumessaoud n Imsouhal tajmilt i yicennayen n tama-nni nsen deg uxxam n yidles Mulud At Mεemmer ussan n 25, 26 akked 27 di yulyu iεeddan. Gar yicennayen iwumi tuɣal tejmilt-a ad naf : Cherif Kheddam, Taleb Rabah, Makhloufi, Ait Meslayen, Karim Abranis, Massa Bouchafa, Arezki Haidou, Chioukh Hamid, Cid Messaoudi akked Taleb Tahar. Ma d ahil i d-tessewjed ilmend waya : tella-d temzikent n tmeddurt n yal anaẓur, isaragen akked ccna.
Ayen yeṭṭfen ddehn-nneɣ d ṭṭaqa n temɣarin i d-yusan akken ula d nutenti ad d-fkent afus n tallelt i tejmilt-a s yizlan.
Xas nniya n yimḍebbren n tdukla-a tesfa, maca sḥasfen kra yicennayen imi ten-qqnen kan ɣer tama-agi n Micli. “nekk d afennan n tmurt akk, mačči n tama-agi kan” i d-yenna Taleb Tahar.
Lhocine Ourezki