Azal n 80 n yinelmaden i d-yusan ad sɛeddin akayad n tenhart, ass-nni n 28 di yulyu di tɣiwant n Uqbu, uɣalen akken. Ur rbiḥen ur xsiren, ur sɛeddan, d abuqqer ay buqqren azal 4 tsaɛtin deg uraju n ujenyur n “les mines” i yiṭij. Ma d tanmehla n tenhart n Bgayet ur d-tceyyaɛ ur d-txebber.
D ayen i yeğğan imḍebbren n yiɣerbazen n tenhart ad d-begnen lɣiḍ-nsen : “mačči d tikelt tamezwarut i aɣ-tt-xedmen akka, yal ddurt anwa aɣerbaz iwumi ara ğğen inelmaden-is ur sɛeddayen ara, dayen neɛya”, i d-yenna Bubker At Bqasem, anemhal n yiwen n uɣerbaz n uselmed n tenhart. Ma d mass Amri, imḍebber n sandika yettmeslayen s yisem n yiɣerbazen n Uqbu yenna-d : “amek tenwam ad neqqsent twaɣiyin deg yiberdan ma mazal iɣerbazen n uselmed n tenharet ttidiren deg wuguren. Ar melmi ara neɛteq tirwiḥin ?”
Brahim Benhamouche