Nessaram imḍebbren n tmurt ad d-rren ddehn-nsen ɣer twaɣiyin-a acku iberdan yettawin ilmeẓyen ɣer lmut yecban ta ur mgaraden ara s waṭas d wid i ten-yewwin ad tḥerqen di lebḥer.
Dj.Ahitaghel
Di tmurt-nneɣ,; leḥsabat ttbegginen-d seg useggas ɣer wayeḍ,; tamnaṭ n Leqbayel tezga-d deg yimukan imezwura di temsalt-a : wid ineqqen iman-nsen. Deg wussan-agi kan i iεeddan i yexneq yiwen n yilemẓi iman-is, ugar n 30 yiseggasen di leεmer-is, si taddart n At Xlifa. Ssebat n lmut-a, yal yiwen seg wat taddert-a d acu d-yeqqar maca tidet ahat ad tt-id-skeflen ijadarmiyen yettnadin ɣef temsalt-a.