Kra n wussan kan i mazal ad d-yaweḍ waggur n Remḍan, bdan yimetjaren irekkeb-iten lḥir amek ara zenzen isufar. Taggara-agi, kra n umdan ara yedlun ɣer ssuq, ad d-yuɣal yetthuzzu ifassen-is, am win yebran i sswab. Dɣa amek ur iwehhem ara umdan-agi s yisufar i d-yessemɣin afriwen ? Lbaṭaṭa-nni ur nesɛi amsawem tuɣal tettali di ssuma, almi tewweḍ 40 yidinaren. ẓrudiya tejba s anda ur d-tettuɣal : 70 yidinaren! Lebsel yefferfer si 12 ɣer 35 idinaren. Ulac kra n usafar yeqqimen di ssuma-s neɣ ahat iṣub, ala timerna.
Imezdaɣ n Tubiret ḥaren deg wayen qqaren deg yiɣmisen d wayen ttafen di leswaq. Acḥal d aqenṭar n lbaṭaṭa i d-tessewǧed tneɣlaft n tfellaḥt, maca ssuma tettali mebla ma yella kra n ukukru. Dɣa dagi i ilaq ad d-tili lɛessa imi d aggur n remḍan ara d-yasen, deg-s i ttfarasen acḥal n yimetjaren ad jemɛen tadrimt.
S kra n win i d-nmuger yeqqar : “ad yeṭṭef Rebbi i yugaren aya. Azɣal d leɣla n temɛict.”
M. Smail