Asarag ɣef uzemmur deg tdamsa

Partager

Heggan-d srabes n tfellaḥt n tɣiwant n Lemɛatqa yiwen usarag s wazal-is ara yilin, ass n 27 seg buğember, deg tezeqqa n uxxam n yilmeẓyen n tɣiwant n Lemɛatqa. Ad yili usentel n usarag-agi ɣef  » wazal i seg d-gellun yisufar i icudden ɣer lɣella n uzemmur deg tdamsa ». Aṭas n yimussnawen n lɣella n uzemmur i d-yusan seg tesdawit n Lmulud Mammeri n Tizi-Uzzu, seg l’ITMA n Buxalfa, seg l’ITFVI n Sidi Aich d wiyad, ara d-yawin awal deg usarag-agi. Ad yezzi wawal ɣef wazal n yisufar i icudden ɣer lɣella n uzemur, ladɣa amegruc , abaliɣ d umurej. Yal asafar, yesɛa azal-is deg tdamsa, imi deg yiseggasen iɛeddan, isufar-agi ttwaḍeggaren deg ugama, dayen i d-igellun s yibaxixen ɣef ugama. Maca tura, sɛan azal-nsen yisufar-agi yemxalafen i icudden ɣer lɣella n uzemmur, dayen iɣef ad d-awin awal deg usarag –agi. Rnu ɣef waya, ad d-mmeslayen ɣef tarrayt i ilaqen deg ujmaɛ n uzemmur d waḥraz n lɣella. Ihi, ttwaɛerḍen yifellaḥen, wid yesɛan tisyar n uzemmur akked yimdanen-nniḍen i wakken ad sqerdcen timsal wa ad d-sebegnen iɣeblan-nsen i yimḍebbren teɛna temsalt. Ad d-nesmekti kan d akken taɣiwant n Lemɛatqa d tamenzut deg lɣella n uzemmur, lɣella n uzemmur d yiwen uḥric s wazal-is deg tdamsa n temḍiqt- agi n leqbayel.

Ali Zalouk

Partager