Lecɣal n usenfar n lebni n rradyu n Ǧerǧer i yebedan deg useggas n 2008 i-d yesqamen tadrimt n wazal n 7.5 n yimelyaren n sentim d wid ur n teddu ara akken iwata. Asenfar- agi ilaq ad yekfu as n 1 dujember yezrin, imi yettunefk-as 18 n wagguren I usewjed- ines, maca nettwali d akken iɛeṭṭel, imi lecɣal wwḍen ɣer wazal n 85% kan.
Deg temlilit n twilayt I d-yeḍan deg wussan yezrin, imḍebbren gezmen-tt dir ray iwakken ad d-rnun tadrimt s wazal n 13 n yimelyunen n yidinaren ilmend n ukemmel n lecɣal, iwakken ad ssiwḍen ɣer taggara n usenfar-agi deg waggur n meɣres I d-teddun. Ad d-nesmekti d akken rradyu- agi ttraǧun-tt yimedaɣ n temnaḍt-a acḥal aya, imi d tin yerran tibbura-s deg useggas n 1966. Asenfar- agi ad yettwabnu deg uxxam n yidles Mulud At Mɛemmer ɣef 900m2, deg-s 12 n tzeɣwa d yiwen n ustudyu. Si tama nniḍen, tettuhegga-d yiwet n tedrimt n wazal n 10 n yimelyunen n yidinaren i tiɣin n ttawilat n tiknik s wayen ara telḥu rradyu I wazal n 8 n tsaɛtin deg wass seg 6 n tṣebḥit alamma d ssaɛtin n tmeddit.
D.Imgaline.