Ta d tafewwart i d-yezgan deg tlemmast n temdint n Bgayet, deg lḥumma n la CNS, mya lmitrat ɣef lbiruwat n lwilaya. Tilaq d icercuren n waman ara d-yettwezziɛen deg yal tama tfewwart, meɛna akken i d-yenna yiwen : “d ticekkarin n leplastik d lekwaɣeḍ i yettferfiren din mi ara yili waḍu.” Dɣa, akken i aɣ-d-ḥkan yimezdaɣ n lḥumma n la CNS, tafewwart-a tedda ala snat n tikkal, yerna tedda azal n ddurt teḥbes. Tamezwarut, ass amenzu deg wember 2004, amulli w-50 n tnekra n Lezzayer. Nnan, deg yiwen n yiḍ,; tuli tfewwart tedda. Yekker zzḍiḥ almi i tfukk. Deg lawan-nni, d FFS ay yellan ɣef uqerruy n tɣiwant n Bgayet. Tis snat, ass n 9 deg yibrir 2009, ddurt uqbel tifranin n tselweyt n 16 ibrir ; assen i d-yerza Bouteflika ɣer Bgayet. Kifkif, ixeddamen akk n tɣiwant nnejmaɛen din almi i d-tcercer tfewwart. Yerza-d lebrizidan, tedda tfewwart. Ibedd-d uselway n tmurt, teḥbes ! Imi ala ddurt kan ay d-crecren waman-is. Deg lawan-nni, d FLN i yellan ɣef uqerruy n tɣiwant n Bgayet. Tafewwart n Rond-Point Nacéria tettraju amulli-nniḍen neɣ tirza-nniḍen n uselway.
Dj. Ikhloufi