Abaraj n waman n Ticci-Ḥaf, i d-yezgan di tɣiwant n Buḥamza ɣef teɣzi n 14 km, yegla-d s waṭas n lfayda i lwilaya n Bgayet : ama d aman n tisit, ama d asway n waṭas n yegtaren n tfellaḥt. Maca imawlan n wakal ur ten-id-yewwiḍ nnefeε-is, anagar lmiditi d nnda i asen-d-yettawi wagu semmḍen. « Mi ara d-nekker ssbeḥ,; ad as-tiniḍ taddart Imeḥfuḍen neɣ d London seg wagu, mačči deg wayen-nniḍen ; ma d aman ttruḥun ar tɣiwanin-nniḍen. Γas akken abaraj d la station n useffi n waman ddaw taddart i yellan, nekni nectaq tiqit n waman n tisit », i aɣ-d-yenna Urezqi, amezdaɣ n Buḥamza.
Rnu ɣer waya, aṭas n lemḍerrat swayes i mazal ad d-yeglu ubaraj. Ma yella mazal leryuf-is ur ten-ẓerben ara ; aṭas n terwiḥin ara yečč ama d iɣersiwen n lexla (ilfan, uccanen…), ama d imdanen. Tin yernan ɣur-s, akal yettsax si tegnit ar tayeḍ,; d umlil.
Ad d-nesmekti, ilindi, sin n yinelmaden i yemmuten deg-s, acku lemluk d iḥerqan ur bεiden ara s waṭas fell-asen.
B. Benhamouche