Akka i la tberren ddunit, ur d-telli yiwet n tuɣalin ɣer uɣerbaz deg twilayt n Bgayet ur d-yettili yid-s leɛyaḍ n yiselmaden neɣ yimawlan neɣ n yinelmaden. Lḥasun, sebbat uggtent ma d tifrat, la ttrajun yiselmaden wissen ar melmi. Akken i yebda useggas n tɣuri n yilindi ara yettbeɛ win n useggas-a. Urɛad yebdi, i wass amezwaru n tuɣalin ɣer uɣerbaz n useggas 2009/2010, yella-d yiwen n yibeddi ɣef 11 ɣer tewwurt n tenmehla n usegmi n twilayt, i d-tessawel sandika n l’UNPEF. Deg wulɣu-ines i d-yeffɣen ass n 5 di ctember yezrin, yessawel iselmaden n twilayt n Bgayet ɣer yibeddi-ya akken ad sutren seg uɣlif n usegmi “ ar ass-a, aneɣlaf n usegmi ur d-iceyyeɛ ara anemhal ajdid i twilayt n Bgayet.”
Ad d-yili, daɣen, yiwen n yibeddi ass n 15 deg ctember ideg nella ɣef 12 rrif tewwurt n tenmehla, i d-yessawel sandika SETE n Sidi Saɛid, UGTA. Ɛlaḥsab n SETE n Bgayet, kra ur d-yelli akken ilaq i unekcum ɣer yiɣerbazen aseggas-a imi ar tura bGayet ur tesɛi anemhal, tijernatin n yiselmaden ur d-nettili deg lweqt-is, atg.
Dj. I.