Yiwet n temɣart tezdeɣ deg taddart Tizeɣt yellan deg tɣiwant At Imɛuc, temmut imi teṭṭerḍeq tabutayt n lgaz rrif-s.
Ass n lǧemɛa yezrin, tamɣart izedɣen nettat d mmi-s aqudar, mi d-tekker-d tasebḥit, mbeɛd taẓallit n lefjer, tekcem ɣer tnawalt akken ad d-teseḥmu lqahwa. Anagar teldi tawwurt, tqeddem ɣer daxel, tger afus-is ad tessiɣ tafat, times tendeh tegla yes-s. Ziɣen atwiyu n tbutayt-nni n lgaz yella yessufuɣ. Times yuɣen, tesreɣ tamɣart-nni armi d twerkabt t-3 (3ème degré).
S tazzla, imezdaɣ ddmen-tt ɣer sbiṭar n Uqbu. Mi wwḍen ar din sebren-ten-d, welhen-ten ɣer Lezzayer. Mi wwḍen s amkan temmut temɣart.
Ad d-nerr lwelha, tamɣart-a tedder am nettat am mmi-s aqudar i izewjen, s upansyu n umɣar-is yemmuten. Tura, ad yili Rebbi d twacult n mmi-s, ara iḍemɛen kra sɣur lḥukuma.
Ait Ighil Mohand