Ass-nni n 21 deg yebrir i d-uraren, i tikkelt tamezwarur (la générale), yilmeẓyen n tiddukla ‘’Itran’’ n taddart n Tqerbuzt i d-yezgan deg tγiwant n Uγbalu lwilaya n Tubiret tamezgunt ‘’Timest’’ deg uxxam n Umezgun Kateb Yacine n temdint n Tizi Uzzu. Timest, d azwel yefka Mokrane Lyes i tmezgunt-agi. Asentel n tmezgunt yewwi-d s wudem atrar γef teqsiṭ yettwassnen aṭas deg tmetti taqbaylit ‘’Aḥeddad n Lqalus’’. Xas ulamma aγbalu yeqqim d win n zik, meεna asayes yedda akked temsalt n tura. Akka ara naf, dγa, deg teqsiṭ n Uḥeddad n Lqalus d akken aḥeddad-nni yessenger taddart imi i as-kksen s ẓẓur tameṭṭut-is, meεna deg tmezgunt-a, aḥeddad n Lqalus yessenger taddart imi ur tt-yuγ ara. Tasertit, tilleli d tugdut d tigejda γef wacu tebna tmezgunt-a. Aya , yesban-d leqdic d unadi lqayel n wid i tt-yessuddsen.
I usmekti, Mokrane Lyes yettwassen yakan s tmezgunin, am ‘’Tacbaylit‘’ n Muḥya, ‘’Asif n tisselbi’’ d ‘’Tayri teğğa tmacint’’…atg
Nessaram ad tili d imγi ara d-yeffken lγella i teqbaylit imi ass-a n wussan taqbaylit teḥwaǧ leqdic yecban wagi..
D.Said lhadj