Taggara n yimalas-a yezrin, tella-d yiwet n temlilit gar umḍebber amezwaru n Tubiret, Ali Bouguerra, d yinemhalen n yiɣerbazen. Deg yiwen n rrabul i s-id-iberreḥ unemhal n usegmi n twilayt, aṭas n lakulat ara yeldin tiwwura-nsen deg waggur n unbir i d-iteddun, iwakken ad ssixfeffen taεkemt ɣef wiyaḍ. D yiwet n tmuɣli i d-yefka ɣef wayen yerzan anekcum aɣurbiz n useggas-a. Anemhal n yidles, Omar Reghal, yemmeslay-d ɣef ttawilat i d-ihegga iwakken ad yesteklef s warrac imeẓyanen yerran ddehn-nsen ɣer yidles. Dɣa d axxam n yidles Ali Zammoum ara yeldin tiwwura-s i yigerdan yebɣan aya.
Si tama-s, Ali Bouguerra, iṛeggem d akken kra n wugur yellan, icudden s ayen iwumi yezmer, ad yettwakkes iwakken ad yessishel ama i yiselmaden neɣ i yinelmaden taɛkemt.
Ilaq kan ad d-nesmekti d akken kra n yiɣerbazen am win n Bechloul, yessaweḍ almi ur yezmir ara ad iqabel inelmaden. Tura, atan yetturaju ad yeldi tiwwura-s yiwen n uɣerbaz nniḍen-tama tesnawit.
M. Smail