Ass n 12 deg duğember 2016, yella-d usfugel n lmulud deg uɣerbaz amenzu n Bouadnan, taɣiwant Iboudraren, d asmekti n nnbi. Usan-d akken ma llan yiselmaden–nsen , anemhal n uɣerbaz Mass Laceb Nacer d uselway n tɣiwant n yibudraren Mass Abdeslam Lekhel d uselway n yimawlan n warrac. Ayagi, dayen yesferḥen arrac imecṭaḥ d yimawlan-nsen ladɣa anemhal yefraḥ aṭas. Wwin-d yimawlan n warrac tiẓadanin, am ṭemmina, tigaṭutin. Qqnen lḥenni akken ma llan meqqer meẓẓi, ceɛlen ticemmaɛin, ccnan tizlit n ddin, mmeslayen-d cwiṭ ɣef umezruy n tmurt n Lezzayer d wansi i d-nekka. Mektan-d asmi i d-yekker ugdud azzayri mgal acengu afransis akken Lezzayer ad teqqim d tazzayrit mačči d tarumit. Uɣalen walan amek cebḥen aɣerbaz. Ayagi akk, akken ad ẓẓun tayri n tmurt d uwellah s abrid yelhan tasuta i d-iteddun.
Zakia Benyahia