« Taluft tebda-d di remḍan-nni iεeddan, asmi i d-kkren sin n wufrinen n FFS akked sin n FLN, i d-yunfen i yikabaren-nsen, dduklen iwakken ad εiwden tamuɣli i wamek teddun lecɣal di tɣiwant-a. Ihi, kkren-d kra yimezdaɣ n Tqubεin i yugaden ad timɣur temsalt, ladɣa imi ṭṭuqten yilmeẓẓyen ur nxeddem, akken ṭṭuqten daɣen yir iberdan : lkif, takerḍa…atg. Ihi ssawlen-d i wid walan zemren ad d-afen tifrat i tkerrist-a ; nnejmaεen, sqerdcen timsal. » Ikemmel yenna win yettmeslayen s yisem n terbaεt-a.
Agraw-a yessaweḍ ad yesdukel ufrinen-nni yeqqimen n 3 yikabaren (3 n FFS, 1 n FLN, 1 n RCD) akken ad selḥun sya d afella lecɣal n tɣiwant : aselway mazal-it deg umkan-is acu kan ttwabeddlen yimekwan-nniḍen.
Lhocine Ourezki