Tamentilt n uɣlaq n tɣiwant-agi d asuter n tifrat i wuguren ideg tettexbibiḍ taddart Iger-Mahdi, am useggem n yiberdan d tullya n yiberdan n tfellaht, lexsas n waman, atg. Imezdaɣ walan aɣlaq n tɣiwant d abrid awḥid swayes zemren ad asen-d-slen yimḍebbren εlayen akken ad ggren tamawt ɣer-sen.
Aselway n tɣiwant n At Zikki Mass Meziane Amara, si tama-s yerwa tazzla ɣer ugarzu n Tizi-Wezzu iwakken ad d-afen tifrat i uɣbel-agi s lεejlan uqbel ad tluɣ teswiεt, imi ula d imezdaɣ n tuddar-nniḍen i d-yezzin i At Zikki am Iger-Ɛemran, Amekrez, Tawrirt-Bwar, Agni-Filkan d tiyaḍ-nniḍen, ččan tiyita. Imezdaɣ n tuddar-agi, ur ten-isuεed ara lḥal s uɣlaq n tɣiwant acku ur zmiren ara ad sufɣen kra lkaɣeḍ.
Islam Bessaci