Abrid yettawin seg uxxam n tɣiwant n Yiɣrem ar tuddar i as-d-yezzin Taslent, Tiɣilt-Mexluf, Lmecta, At Sellam d Iεemmuren akked Tzaɣart, ur yettεeṭṭil ara ad yeɣleq mbeɛd mi yertem s waṭas deg umkan iwumi qqaren Hellil. Ssebba n waya d aman n yiwet n teεwint i d-yezgan swaswa nnig-s. Rran-as rbu yixeddamen n ubrid s tmacint asmi i d-isax di ccetwa-nni n 2005. Dɣa seg yimiren nexren waman-is ; beddlen abrid uɣalen ttruḥun ddaw wakal almi yertem akk ugudrun. Γas akken nnig 700 melyun i yettuserfen ɣef umkan-agi, yal mi ara ad d-taweḍ ccetwa ini kulec ad d-yuɣal s amkan-is.
Brahim B.