Ddurt yezrin, iselmaden n lwilaya n Bgayet i ixeddmen s leεqud, nejmaεen-d zdat tenmehla n usegmi iwakken ad d-begnen lɣiḍ-nsen ɣef yir liḥala ideg ttidiren. Acḥal n wagguren aya ur ttuxellsen ara. “Amek tenwiḍ ad nesselmed akken iwata, ma yella ur tgerrez ara liḥala. Ad tamneḍ,; tikwal, ula d lǧib-iw ulac deg-s azal n rrekba swayes ara ruḥeɣ ɣer uɣerbaz”, i aɣ-d-tenna yiwet n tselmadt i nesteqsa.
Deg yiwen n wulɣu i d-tessufeɣ yiwet n tesqamut i yettmeslayen s yisem n yiselmaden-agi, suturen deg yimḍebbren iɣer terza temsalt, ɣef uqqeruy-nsen aneɣlaf n usegmi Benbouzid, iwakken ad ten-yernu s wudem unsib ɣer twacult n ttrebga (intégration directe) war timzizelt.
I usmekti, tuget n yiselmaden-a, sɛan nnig 5 yiseggasen, nutni xeddmen s leεqud, fkan-d afus n talelt meqqren i uɣerbaz azzayri deg yeswiren-is yemxalafen
B. Ben.