Ussan yezrin d iselmaden akked yixeddamen n tesnawit i yugin ad uɣalen ɣer uselmed ma yella ur kkisen ara anemhal. Din kan aɣlif n usegmi iceggeε-d tasqamutt i tifrat n wugur-agi ɣer tnemhalt n ttrebga n twilayat n Tizi-Wezzu, anda i tt-gezmen di rray dakken anemhal n tesnawit n Buzgan ad yettwakes.
Dayen i d-yeḍran, anemhal yeḥbes, maca ugur mazal-it yedder s wudem-nniḍen. Tasnawit tuɣal mebla anemhal ! Iselmaden, ixeddamen n tesnawit, inelmaden d yimawlan-nsen gren-d tiɣri i yimḍebbren meqqren n uɣlif n usegmi d tnemhalt n ttrebga n twilayat n Tizi-Wezzu akken ad d-sbedden anemhal amaynut, acku aṭas yinelmaden d imawlan-nsen bɣan ad d-sufɣen lekwaɣeḍ am uselkim n wulmud (certificat de scolarité) d wiyiḍ-nniḍen ur zmiren ara.
Islam Bessaci