“Le cessez-le-feu, 19 mars 1962” d yiwen n wedlis d-yefɣen di tagar n wagur n meɣṛes. Di ddurt yezrin, nenna-d d akken adlis-agi tura-t yiwet n terbaɛt n 44 n yemyura izzayriyen d iṛumyen. Deg wuṭun n was-agi, nqerreb yiwen ger terbaɛt-agi n yemyura akken aɣ d-imeslay ɣef leqdic-agi. Wagi d Hamid Aït Slimane d aneɣmas, d amedyaz, d amyaru n waṭas n wungalen d yedlisen.
Aɣmis n Yimaziɣen : Tenniḍ-d d akken deg wedlis-agi, 44 n yemyura yettekkin di tira-s, nnan-d, yal yiwen, tamuɣli-s. Amek ittwali Hamid Aït Slimane tamsalt-agi?
Hamid aït Slimane : Adlis-agi d mmi-s n yiwet n tidmi id aɣ-yezdin nekk d Nicole barrière tamedit n umuli wis 50 n timunent n tmurt n Lẓẓayer. Tikti nneɣ tejbed ɣer yiwen yiswi ; asegrireb l kreh akked cǧhani yellan ager ssin yeguden : agdud n lẓẓayer akked ugdu n Franṣa, imi ɣef akken ddan tmuqliwin-nneɣ d ayen iɣ yesduklen i d aṭas wala ayen iɣ iferqen. Ssin yeguden-agi tura mi zrin isaggasen ɣef trad yellan garèasen d lawan ad mawalina kken nniḍen . tasrtit n ssin iduba n snant n tmura agi temderkal ɣef aṭas u usujer akked icerigen d tyersiwin. Nekni nwala d akken ayen izmren ad yeṣfed lejruḥ n wigi neɣ wihid d imawlan n yidles akked tasekla. Lwajeb amzewaru n yal n win yettarun ɣerɣ iqedcen deg idles d akken ad yezuzer tayri, imi ala s tyari i ttmejazin yemdanen ay akken yebɣu mgarden di kullec, alla s tayri i hellun waggasen, ala s tayri id ttilin timeqwa yeswayen tuga deg agni n tamsunt.
« Cessz-le-feu, 19 mars 1962 » isemyager-ed 44 n leryuy ɣef 19 mars 1962, ttuɛud lak d weḥbas n ṛṣas ger lezzayer d fransa, neɣ llan kra n yemyura tecrek tmuɣli ?
Attiki n yemyura-agi id bedreɣ deg adlis-agi d ilelli. Yal yiwen nebɣa ad yefk tamuɣli-s ɣef ṭṛad-nni yellan gar ssin yegduden ama s wudem n waktayen neɣ s wudem n usnulfu( tillisin neɣ inaggen). Ceṛt yellan d akken yal yiwen ad yedhen tira-s s tayri. Ur ilaq ara ad isened ɣer cḥani, neɣ tiririt n ttar imi iswi d azday n ssin yegduden yellan akka d wakka n yilel agrakal. Tiɣri id yettilin deg aḍris d tin yesfilliten i lehna, d tin yessiriden ulawen seg takka n yiḍeli. D tin yezuzunen ulawen akken ad ttun kra ineẓman id d-xellef lgirra .
Mi d-ttheggim leqdic-agi nwen, umu tefka-m azwel « Cessez-le-feu, 19 mars 1962 », tmugrem-d ahat kra n wuguren acku maci d ayen i sehlen i kunwi neɣ ula i nutni ad dehnen ljerḥ yeǧǧa ṭṛad s tayri?
Abrid yettawin ɣer talwit, ɣer tayri gar imdanen yezga yeččur d isananen. Ayen yezdin ssin yegududen yeɣma s wagassen n yiḍeli d wid n wass-a akked d wid ara d yawi uzekka. Sebba tban, yessen-itt menwala: tisertiyin ḍefren-t snat n tmura-agi ur ggin-t ara nnuba akken ad zwint tindal yellan, ɣef aya nekk ttwaliɣ d akken ala imawlen n tmusni, n yidles i yzemren ad ṣefḍen, tixidas n umezruy, ala nitni i-yzemren ad zuznen aṭṭan yallan deg ulawen. Zrin lesnin ɣef ayen yeḍran ahat tura d nnuba i tasuta id iteddun akken ad taf tagnit nniḍen ara yeddun d tallit tatrart akked usfillet-nsen ɣer temɛict yessan ɣef lehna akked leḥmala . Wagi d azref n tasuta –agi , d lḥeq-is ad tenugdem tawriqt akken ad teldi tayeḍ mars ara yttwarun s tira nniḍen… tin yessufuɣen ɣer lber n liser akked d tmusni.
Adlis-agi, d-yefɣen akken ad yezreɛ talwit, tayri, d lehna ger ssin yegduden, yella akka tura deg temkerdiyin n lezzayer neɣ mazal ur d-yebbid ara ?
Adlis-agi yeffeɣ-ed assen 19 mars 2014. Aya yebɣa ad yinni d akken mazal ur d yekcim ara ɣer tmurt-nneɣ. Tidett kan, nekk s timad-iw, ur ẓriɣ maḍi ma yella ad d-yekcem sya ɣer zdat neɣ ala. Wagi mačči d ayen yellan gar ifassen-iw. Liḥala n umeteddu n yedlisen di tmurt-nneɣ yal yiwen yesen-itt…. Ulayɣer ad ǧǧeriɣ fella-s awal ugar.
Leqdic-agi, akken id tenniḍ d win d swejdeḍ ɣef teɣzi n ssin n iseggasen. D acu-tt neɣ acu-ten-t tegnatin d temugreḍ ?
Ahat asteqsi- agi iwulem ad yettunefk i Massa Nicole Barriere. Zemreɣ kan ad d-iniɣ belli neger tiɣri i kra win yebɣan ad yettiki deg tira n udlis agi. Nekk fkiɣ adris ɣef yiwen uktay yella –yi di lbal. D cfwat n temẓi ɣef assen deg id yeffeɣ usali (19 mars 1962) d akken yekfa ṭṛad gar Lezzayer akked Franṣa. Cfaya-agi teqqim di ṣṣura-w xas akken ɛeddan isagassen… maca akken ibɣu telha targit llan iferidisen i- yesenququlen tumert deg irebbi n tumert s timad-is… ussan fkan lḥeq i wid ur n-reggel ara ɣef lewcayer n zzman…
Awal n tagara…
Yal tagara tettaf lmendad-is di tazwart. Tidmi-w tettinnig ɣer ccix Muḥend u Lḥusin…. Akken ad tezger neɣ a tenfel ɣer Lunis Ait Menguellet id yenan ; « ayen akken id yefda leɣla / m teǧǧem yenza s rxa/ anwa ara d inebhen acimi ? »
Zenia Thiziri