Masin Uharun

Partager

Baba-s yemmut d ameɣras

Tigujjelt yewwi-tt d aɛwin

I t-id-isekkren d yemma-s

Yerwan lḥif n taǧǧalin

Taqbaylit teqḍeɛ layas

Ḥemmlent-tt terẓaganin

D aqcic meẓẓiyen yeqqar

Lihana tsenta accaren

Ɣas ma iɛebbaḍ d ilmawen

Deg uɣerbaz yezga yeẓẓwer

Tiqenṭert n temẓi ad tt-yezger

Yewweḍ d argaz yessaramen

Yedder tallit n ugdal

Tilelli gezmen-as ifer

Taqbaylit kksen-as awal

Deg uxxam ilaq ad teffer

I taɛrabt fkan azal

Ssulin-tt s igenni ad tefferfer

 Yugi lbaṭel s wacciwen

Yid-s yennuɣ ur yeḥbis

S Tfinaɣ irgel ilmawen

Yessakay deg tmital-is

Yettfelliq deg (yi)kiddiben

I d-yeɣlin ɣef tmurt-is

 Dergen ɣef wallen-is iṭij

Gren-t deg umruj aberkan

Tasa n tyemmat tettlejlij

Truḥ d asfel ur tuksan

A zher yewwan deg yirij

Dayen kuffren wulawen

Nhedder ass-a s tfenṭazit

Neqqar-d ayen ur d-nenni

Awal nerfed-it s teqbaylit

Nessaweḍ-it nnig n yigenni

A Masin nuzen-ak-n talwit

Ad ak nini: “tanemmirt!!”

Imi tekkiḍ deg lebni.

Malek HOUD

Partager