Di rreḥba tagreɣlantt n yidlisen (SILA) n useggas-ayi i yeldin tiwwura-ines ass n 27 tuber 2009 di le complexe Mohamed Boudiaf, yella Le journal de Jean El-Mouhoub Amrouche, 1928-1962 i d-tessufeɣ Massa Tasseɛdit Yacine sɣur tezrigin Alpha. Ayagi yessefraḥ aṭas : Tamezwarut, tawwurt i yeldin i tuɣalin n twacult n yineɣmasen, Ɛemruc ɣer tmurt Lezzayer tilellit. Tis snat, d tagnit yettunefken iwakken ad yettwassen umecwar n Jean El-Mouhoub Amrouche. Netseqsa tizrigin Alpha di Le SILA ɣef ssuma n tektabt ayi : yettnuzu s 1000 idinaren (Prix de Salon), ad yelḥeq ɣer temkerḍiwin di 10 wussan i d-iteddun.
Nemlal d Massa Tasseɛdit Yacine ass n 30 tuber di Le SILA iwakken ad tt-nesteqsi. Tenna-d s lferḥ ameqqran imi teḥḍer u yeḥḍer yud-s adlis n Jean El-Mouhoub Amrouche imi as-ttwaldint tewwura. Maca, tura d nnuba n yemdanen i t-iḥemlen iwakken ad as-rren tajmilt i yuklal.
Dacu kan, nessḥisef imi timlilit i d-yettwaheyyan ilmend n udlis n Massa Tasseɛdit Yacine ur d-teḍri ara ass n 30 tuber ɣef sebba n ubeddel deg wahil. Yerna, aya yeḍra-d bla ma sɛelmen Massa Tasseɛdit i d-ileḥqen azgen n ssaɛa uqḍel akked wid i d-yusan ilmend n wayagi. Tasseɛdit Yacine tusa-d ɣef ddemma n waya si Fransa. Ur nefhim ara iwacu i d-yeḍra ubeddel deg wahil ɣas ulamma texdem ass-a Tasseɛdit Yacine lbiɛ s ubuddu ɣur tizrigin Alpha.
Amastan S.