Deg yiḍ n taggara ddurt-nni yezrin, di tFiwant n Umizur, tama n buxalfa, yiwen n wuccen amsuḍ iberrez di ṭṭlam ɣef sin n watamten d ifellaḥen ; yiwen yejreḥ-it deg wudem ma d wayeḍ yekrec-it kan. Γas akken amenzu-nni yettwajreḥ deg wudem, maca yessaweḍ ad yekkes idi n wuccen-nni. Cwi kan, lǧerḥ ur izad fell-asen.
S lemɣawla ɣer sbiṭar n Umizur iwakken ad ddawin. Lhan-d yid-sen yimejjayen, am akken i asen-d-kksen yidammen bac ad xedmen yiwen n unadi ma yella uccen-agi ur yerraji ara.
Ad d-nesmekti, deg waggur-nni n ctember ar ass-a, aṭas n temnaḍin di lwilaya n Bgayet ideg i d-berzen wuccanen ɣef yemdanen : deg Iberbacen, deg Yiɣrem, deg taddart n Afra, atg. “Zik-nni di lweqt asmi i llant tqeḍεiwin n lmal ttberrizen-d aka wuccanen, lawan-agi n taggara lexrif, ulac d acu ara ččen. Ttberrizen-d akka wuccanen ɣef waxfiwen n lmal. Tura ulac tiqeḍεa, ahat ɣef waya izad fell-asen llaẓ tt-berrizen-d ɣef yemdanen”, i d-yenna yiwen n umeksa i nesteqsa.
B. Benhamouche