Ttmagaren yimezdaɣ n lḥuma Adrar deg Iḥeddaden ugur d ameqqran. Yal tikelt mi ara d-tewwet lehwa s teqseḥ,; neflen waman seg wasif i yellan deg lḥuma imi yeččur d iḍuman d wakal d yeẓra. Aya, yettaǧǧa asif ad ifaḍ leryuf, ɣer yiberdan yal tikelt. Imawlan n lḥuna keččmen-asen-d waman s axxam, d ayen i d-igellun s txessarin, rnu ɣef waya ugur n yigurdan imeẓẓyanen i yettruḥun ɣer yiɣerbazen n tama-yagi. Si tuggdi n tḥemmalin, imawlan ḥebbsen dderya-nsen ɣef lakul, acku asif-agi yegla s rruḥ n yiwet n teqcict tameẓẓyant. Ssuturen yimawlan n yinelmaden d yimeznuzuyen, wigad i teɛna temsalt, akken ad ferḍen asif-agi. Asif-agi deg ccetwa yettfaḍ d aman deg unebdu yettfuḥ,; yeččur d tizitt d nnamus.
Djouher Chili