Lgaz n temdint d yiwen n usenfar d-yewwḍen aseggas iεeddan ɣer taddart n Tala-Ɛetman i d-yezgan di tɣiwant n Tizi-Wezzu. Acu kan, ar tura mazal ur yekcim s ixxamen imi gar tkebbaniyin i d-yelhan s ccɣel-nni, yiwet ur tesseddi ara akken yelha leqdic-is, ɣef wakken i d-nnan yimḍebbren n usenfar. D ayen i yesεeṭṭlen anekcum n lgaz-a s ixxamen. Lameεna anemhal n uɣerbaz alemmas s lemεawna n tdukla n yimawlan n yinelmaden wwten armi i ssawḍen skecmen lgaz ɣer uɣerbaz i wakken ad yeldi usečču ilindi. Aseggas-a diɣ,; ttazzalen armi i asen-d-skecmen lgaz ɣer ttawilat n useḥmu.
Γef wakken ugaden yimḍebren n Sonelgaz ad d-kkren yimezdaɣ n taddart ad ssutren ad asen-skecmen lgaz ula d nutni, tasqamut n taddart tekker-d teḍmen-iten. Acu kan, awal yettazzal dakken llan kra yimezdaɣ sεan lgaz deg yixxamen ; amek yeḍra wa ? Neɣ anwa i asen-tt-ixedmen ? Yeqqim taqnuẓt !
Lhocine Ourezki