Sebɛa n yizzayriyen i tenɣa tawla n uḥlluf, aṭṭan d-yewwi le virus H1N1. Tamasalt tewɛer aṭas. Aṭṭan yettenfufud am tmest ddaw iɣiɣden. Di Tmura i irebḥen, imḍebren acḥal-aya seg asmi i d-heyyan tamiflu, le vaccin-nni ara i igen ẓẓerb i tawla n uḥelluf, ur ken-ɛniɣ.
Di Tmura ur nerbiḥ ara, Timura n wenẓul, ḥala Rebbi ara yeren ẓerb i H1N1 : tadamsa-nsen ur tezmir ara ula i ubeḥri n ccetwa. I ukni ? Théoriquement nezmer i waya d wayen iɣelben aya, imi d imelyaren n dularen n tazult yefren di le trésor. D tazult-nni i yessawḍen imḍebren ceyɛen d luluf n yelmeẓyen ɣer Khartoum, di yumayen. Ma d Tamiflu, ruḥ ay aɛrab ar tafsut! Nna-aɣ-d ad d-yelḥeq weḥric amezwaru deg waggur-a. Nna-d daɣen belli si s-ya ar aggur n mayyu izzayriyen akken ma lan ad tamiflin. Maɛna, si sya ar ass-nni, ur yettaf d acu ara yebaksinis tamiflu : ad faken izzayriyen : wa ad tineɣ ubeḥri n ccetwa (imi ula d vaccin-is ulac-t), wa ad t-ineɣ ddemar…
ruḥ a sidi, ad as-nini, ad yewjed Tamufli-agi. maɛna d acu akk yettwaxedmen ɣef uḥreb d uzerreb deg imukan anda d-yiban waṭan ?
Waqila ulac! Aya nerr-as tamawt di tubiret, Akk d tɣiwanin n Beclul d Leɛǧiba. wid yuḍnen iwin-ten ar sbitarat, imdanen i asen-d-yezin, ladɣa ararc yeqqaren, ulac win i muqlen ɣur-sen.
nemneɛ-as i tawla n uyaẓiḍ,; ma d tin n uḥelluf ad yeṣṣer Rebbi tameddit !