Tidukla n yitri Iburayen daymen tezga ɣer usfugel n wass umenzu n tefsut neɣ s umata i win qqaren «Aderyis»d ansay , d imɣi yellan di twennaḍt. Tidukla Itri melmi yagi kan i tebda telli tiwwura akken ad tawi taɣda n yidles ,dɣa amahil ɣur-s anabaz gar yilemẓiyen anda yella gar-asen mass Mourad Touak d aselway n tdukla, d tawrikt id-igerrun ɣef yizuray n yildes , nudan-d asentel nezmer ad d-nini d taselfast i leqdic-nsen anda xtaren tameɣra uderyis , maca tamesɣara-nsen temgarad ɣef temnaḍin-nniḍen. Tafaska n useggas-a tewwi-d azwil n teẓrigt wis semmus (5),daɣen ttafen annar anda ttaken-as azal d tejmilt i unaẓur yettwasnen d win yecnan ɣef teqbaylit , anda aseggas yezrin tuɣal-as i Budjemaa Agraw , win akkin i Amour Abednour, assag n tfaska useggas-a tuɣ assag i Yidir Akfadou anda ara tili ɣef teǧzi n kraḍ (3) n wussan 17/18/19 deg waggur-a n Meɣres, ahil daymen yettili d anesbaɣur d aɣbalu ifeggḍen d tamussni , d taɣzut n n yidles, anda ara tebdu deg wass 17 di Meɣres 2016 d ass amezwaru n tfaska uderyis , mi ara yefnu uzizwu ɣef 14h :d tiɣrayin tunsibin yirmadyellan deg-s timzikent«exposition»anda deg-s idlisen d ttqendyar n Leqbayel , syin akkin d talilt «chorale», ccḍeḥ , leqbayel «danse Kabyle», tamedyazt , syin d asarag ara ad d-awin Mass Younes Idli d Karim Chikh, di taggara d taceqquft umezgun. Ass wis sin azemz 18 di Meɣres ɣef 13h: d amuqqel n teggrarin ɣef teẓrigt yezrin, syin d tagrumma n kraḍ n yinaẓuren Kaci Boussad , Ouazib Ameziane , akk d Idir Akfadou , d asbudu ɣef umecwar-is n tẓuri , akkin d ameltaɣ «Monologue»taggrayt n wass d inubaz n uzawan «soireé musicale». Ass aneggaru 19 d armud n taggara n tfaska , ɣef 10h :tarbaεt n unziz d lɣiḍa , afraq n warrazen , akkin d seksu i yezzin s tmellalin akken ad srebḥen , wa ad sirmen ussan d uwlaɣ d tdukli ; tameddit n wass ɣef 14h d anabaz «gala artistique», anda ara tili d tagnit n ccna , d tuget n yinaẓuren anda ar Yili Idir Akfadou , Boudjama Agraw, Kaci Boussad , Louiza, Ouazib, Amour Abdenour, Kamal n’Ali, Malek Bachi, Anza. Tafaska uderyis deg Iburayen d amager n tefsut s tumert , d anaruz i wid iḥemmlen tasusmi , d ussan n tafukt , d awlaɣ i lɣella. Itri Iburayen d tidukla n teɣda ɣer dzat, zegren akkin i tmuɣli gnan aceqqiq n wansayen, s tebɣest i llin tiwwura n yidles , rran-d tayti i yiseɣ n lejdud
Azedine Abdous